غزل عبدالرحيم عزمي

 غزل ۔۔۔۔۔۔عبدالرحيم عزمي 

سمجهي ڇڏيو مون تنهنجي نخرن جو فلسفو 
ساڳيو ئي آ ڇري ۽ ٻڪرن جو فلسفو 

اونچي فليٽ اندر ڪيئن سمجهندين پرين ؟ 
ھن منهنجي جهوپڙي ۽ ڪڪرن جو فلسفو 

هر شعر شعلي وانگر ، هر بيت باه جيئن ، 
وڻندئي ڪٿي اسان جي اکرن جو فلسفو 

مکڙيون رنيون ٻڌ ائي ، رابيل ڀي رنا 
ڪرڻن ۽ ماڪ وارن قطرن جو فلسفو 

هڪ چور کي نظر ۾ ھو پهريدار آ 
ٻيو پيار ئي ٿو ڄاڻي پهرن جو فلسفو 

هي عشق ڇاهي عزمي ، پهريان پتو نه هو 
ٻڪ تي رکي پو ڃاتم اڱرن جو فلسفو