جيسين نظارا ھوندا ميلاد ٿيندو رھندو

چنڊ ۽ ستارا ھوندا ميلاد ٿيندو رھندو

بادل ۽ رم جھم ھوندي ڪھڙي به موسم ھوندي

سانوڻ سيارا ھوندا ميلاد ٿيندو رھندو

جيسين ھي رونق ھوندي ڌرتيءَ تي ساوڪ ھوندي

ٻنيون ۽ ٻارا ھوندا ميلاد ٿيندو رھندو 

اربع خميسون جيتر جمعا ۽ ڇنڇر آچر

سومر اڱارا ھوندا ميلاد ٿيندو رھندو 

پيريون ۽جوڀن ھوندا جيسين ھي مؤمن ھوندا

ھيڻا متارا ھوندا ميلاد ٿيندو رھندو 

عزمـي حياتيون جيسين پرندن جون لاتيون جيسين

ساسي ھي سارا ھوندا ميلاد ٿيندو رھندو